NN 02/2025
VRYSTELLING VAN DIE GRAAD 12 UITSLAE 2024
‘n Hoogtepunt vir elke onderwyser is die vrystelling van die Graad 12 uitslae, veral om ‘n vorige leerder as nasionale of provinsiale top presteerders op die verhoog te sien verskyn. Dit laat sommer so ‘n warm gevoel in jou hart al het jy jare terug vir hierdie kind skool gehou.
Die stories van elkeen van hierdie Graad 12 leerders, bring soms lag en soms ‘n traan - dit vertel uiteindelik ‘n storie van ‘n twaalf jaar lange reis, ‘n reis wat aan elkeen uniek is.
Hierdie storie vertel van 12 skooltasse, 12 stelle skoolskoene; van skoolklere wat aanvanklik heeltemal te groot was, maar waarin elkeen ingegroei het.
Dit is die storie van ‘n Graad 1 onderwyser wat trane moes afvee nadat Ma of Pa hierdie kind op die eerste dag moes afsien; dit vertel van Grondslagfase juffrouens wat hierdie kind moes leer lees en skryf, tel en met klei speel; middellynkruising, sterretjie netbal en bulletjie rugby, wat moes troos en omgee, wat hierdie kind moes leer hoe om met waardigheid op te tree, leer om te wen, maar ook om te verloor.
Die storie van hierdie kind in die laerskool vertel van klasse wissel, om by ‘n Meneer klas te kry, om vakke soos Wiskunde te leer, maar ook om leierskap te beoefen as Graad 7 leerlingraad. Dit vertel van die eerste keer wat hierdie kind in die Hoof se kantoor ‘n draai moes maak met groot kommer, maar ook van volwasse gesprekke oor hierdie kind se toekoms; keuses van hoërskole. Dit het die moeilike lewenslesse om kinderdae agter te laat ingesluit soos die afskeid van laerskoolmaats, nuwe liefdes en gebroke harte, maar uiteindelik hoe om een lewensfase in ‘n bekende omgewing af te sluit en om weer van vooraf nuut te begin.
Die storie van hierdie kind sluit die eerste dag in Graad 8 in, die vrees vir die groot kinders, ‘n nuwe hoof, nuwe onderwysers, ander vakke, ‘n groot onbekende skoolgebou. Maar dit sluit ook opwindende nuwes in: die eerste Valentynsdans, die eerste Interhoër atletiek om maar net ‘n paar te noem.
Die storie van hierdie kind, sluit af met laastes – die Matriekafskeid, die laaste sokkie, die laaste saalopening en die laaste eksamen, en die laaste dae van kindwees.
Die storie vertel nie net van hierdie kind nie, maar van elke onderwyser wat ‘n deel aan hierdie kind se lewe gehad het. Dit vertel van elke onderwyser wat hard gewerk het om voor te berei, om toetse en take op te stel en om seker te maak dat hierdie kind ‘n liefde vir leer maar ook ‘n liefde vir die vak ontwikkel. Dit vertel egter van baie meer as net harde werk om hierdie kind akademies voor te berei om die graad of fase te laat slaag, maar ook van al daardie ekstra tyd waarna daar nooit verwys word nie – na-ure by die skool en op die sportveld en vir kultuur. Dit vertel van ‘n onderwyser se emosionele belegging in hierdie kind; kommer oor hierdie kind se welsyn maar ook die opgewondenheid om elke hoogtepunt saam met hierdie kind te vier.
Die vieringe rondom die Graad 12 leerders van 2024 is ‘n viering vir elke onderwyser wat langs die pad hierdie kind voorberei het om by die onderwysstelsel se spreekwoordelike deur uit te loop - in die toekoms van ‘n volwassene in.
Dit is die een dag waar ons as onderwysers stil staan en juig oor die roeping wat ons aanvaar het en die werk wat ons met soveel toewyding doen.
Die SAOU wens elke persoon wat ‘n deel van hierdie storie van die Klas van 2024 se verhaal was geluk met die uitslae van hierdie groep en voorspoed vir die nuwe jaar groep waarmee ons nou begin.
2025/01/14
RELEASE OF THE GRADE 12 RESULTS 2024
A highlight for every teacher is the release of the Grade 12 results, specifically to see a former learner appear on stage as a national or provincial top achiever. This leaves you with a warm feeling even if you haven’t taught this child for a long time.
The stories of every one of these Grade 12 learners, might bring a laugh or a tear to your eye – in the end it tells a story of a journey over 12 years, a journey which is unique to every child.
This story tells of 12 school bags, 12 sets of school shoes; of school uniforms which started off too big, but ended as a perfect fit.
This is the story of a Grade 1 teacher who had to wipe the tears from this child’s cheek, after Mom or Dad had to leave on the first day; it tells of Foundation Phase teachers who had to teach this child to read and write, count and play with clay; midline crossing, junior netball and rugby; who had to comfort and care; who had to teach this child how to act with dignity, how to win, but also how to loose.
The story of this child tells of preparing to rotate to different classes and how to act when being taught by a male teacher, to learn subjects such as Maths, but also how to be a leader as part of the Grade 7 learner council. This tells of the first time this child had to visit the principal in his office with great apprehension; but also, adult discussions on the future of this child, starting with the selection of a suitable secondary school. It included the difficult life lessons of leaving childhood behind: the loss of primary school friends, young love and broken hearts, but most of all concluding one phase in a known environment and starting anew and being adaptable.
The story of this child tells of the first day in Grade 8, fearing learners who are bigger, a new principal, new teachers, new subjects, a new unknown school building. But it also includes some unknowns: the first Valentine’s dance, first Inter schools’ athletics, to name a few.
The story of this child concludes with a long list of lasts: Matric Farewell, the last school dance, the last assembly and the last exam – in effect the last days of childhood.
This story tells, not only of this child, but of every teacher who shared a part of this child’s life. It tells of every teacher who had to prepare late into the night, who had to set tasks and tests and who worked hard to ensure that this child developed a love for learning and a love for this specific subject. It actually tells a lot more than of preparing this child academically to pass a grade or a phase, but also tells of extra time which is never mentioned – after hours at school on the sport field or for cultural activities, It tells of emotional investment in this child; worrying about the wellbeing of this child or celebrating each highlight in this child’s life.
The celebration of the results of the Grade 12 learners of 2024 is a celebration of every teacher who formed a part of the story of this child; in preparing him to walk out of the door of education into an adult future.
This is the day where we as teachers stop and celebrate. We also cheer about our chosen vocation and the work that we perform with dedication.
The SAOU congratulates every person who had a part to play in the story of the Class of 2024, as well as in their results and we wish you all the best with the new group of this year.
CONTACT US
QUICK LINKS
BUSINESS HOURS
- Mon - Fri
- -
- Sat - Sun
- Closed