Om hoflik, vriendelik en beleefd te wees is ononderhandelbaar. Maak seker dat jy bekend staan as ‘n persoon met goeie maniere. Groet jou kollegas vriendelik, bied jou sitplek vir ‘n ouer persoon aan, moenie jaag om eerste by die teetafel te kom nie – al is jy hoe dors! Wanneer jy ‘n nuwe onderwyser of ouer ontmoet, groet met ‘n stewige handdruk en kyk die persoon in die oë. Leer ook jou klas om so op te tree. Stel die voorbeeld deur almal by jou skool, van die skoonmakers tot die kantoordames,  met dieselfde respek en agting te behandel.

2. ‘n Mentor is goud werd

‘n Kollega met ervaring wat jou onder sy/haar vlerk kan neem en sy/haar praktiese en didaktiese kennis met jou kan deel, is ‘n aanwins vir enige onderwyser. ‘n Vakhoof of graadhoof is gewoonlik ‘n goeie eerste keuse vir hierdie rol, aangesien julle ook ander gedeelde belange het. Maak ‘n tyd in julle dagboeke vas waar jy met jou mentor kan gesels, “brainstorm” en vrae vra. As jy hierdie sessies nie skeduleer nie gebruik ‘n mens dikwels die “ek is te besig”-verskoning om nie daarby uit te kom nie. Dit hoef ook geensins by die skool plaas te vind nie. ‘n Gesellige koffiewinkel lewer dikwels ‘n baie beter sessie as ‘n formele vergadering in ‘n kantoor.

3. Jy is nooit te oud om te leer nie

Alhoewel jy sekerlik verlig is dat jou studies nou agter die rug is, is ‘n onderwyser nooit klaar geleer nie. Ons stel die voorbeeld aan die leerders van wat dit beteken om ‘n lewenslange leerder te wees. Behalwe vir die PO-punte wat met professionele ontwikkeling versamel moet word, is opvoeding en onderrig nie ‘n vakgebied wat ooit stagneer nie. Daar is voortdurend nuwe navorsing, tendense, tegnieke, bevindinge en hulpmiddels waarvan jy moet kennis dra. Bemagtig jouself as leerkrag deur op die voorgrond te bly van alles wat nuut en vars in jou beroep is.

4. Word ‘n krokodil

‘n Kollega met ervaring wat jou onder sy/haar vlerk kan neem en sy/haar praktiese en didaktiese kennis met jou kan deel, is ‘n aanwins vir enige onderwyser. ‘n Vakhoof of graadhoof is gewoonlik ‘n goeie eerste keuse vir hierdie rol, aangesien julle ook ander gedeelde belange het. Maak ‘n tyd in julle dagboeke vas waar jy met jou mentor kan gesels, “brainstorm” en vrae vra. As jy hierdie sessies nie skeduleer nie gebruik ‘n mens dikwels die “ek is te besig”-verskoning om nie daarby uit te kom nie. Dit hoef ook geensins by die skool plaas te vind nie. ‘n Gesellige koffiewinkel lewer dikwels ‘n baie beter sessie as ‘n formele vergadering in ‘n kantoor.

5. Let op jou klere en jou woorde

Onderwysers wil graag hê dat die samelewing ons as professionele beroepslui moet ag. Natuurlik is dit te verstane, aangesien ons in ‘n professionele beroep staan, ‘n professionele kwalifikasie verwerf het en by ‘n professionele onderwysraad (RAVO) geregistreer is. Jou optrede kan heelwat bydra om dit vir ouers, kinders en ander kollegas maklik te maak om jou in hierdie lig te sien. Buiten vir ons gedrag en keuse van woordeskat, is een van die areas waar ons professionaliteit ten beste vertoon word, ons kleredrag. Niemand verwag van onderwysers om duur handelsmerke en formele besigheidsdrag te dra nie, maar té kort, té laag en té styf hoort nie by ‘n onderwyser nie. Wees ook versigtig hoe jy praat – is jou woorde keurig en in goeie smaak, of maak jy jou skuldig aan vuil taal en onvanpaste grappies? 

6. Pasop vir sosiale media

Om deesdae te hoor van iemand wat nie ‘n rekening op die een of ander  sosiale media-platform het nie, is uiters skaars.  Facebook, Instagram en TikTok is gunstelinge en natuurlik deel onderwysers graag ook die hoogtepunte van en gebeurtenisse in hulle lewens hierop. Hou egter altyd in gedagte dat jou plasings se woorde en foto’s vir ewig is en jou regdeur jou loopbaan sal volg. Hoe sal jou toekomstige hoof voel oor wat jy op sosiale media kwytraak? Sal jou kollegas gemaklik wees met die foto’s wat jy plaas? En die ouers van die leerders in jou klas? Sosiale media is hier om te bly, maar wees versigtig vir hoe jy kies om jou lewe daarop uit te beeld. En natuurlik sal dit heeltemal onvanpas wees om enige van jou leerders as “friends” of “followers” op jou sosiale media profiele toe te laat – geen uitsonderings nie!

Ten slotte: Gedurende jou (hopelik) lang en gelukkige onderwysloopbaan sal jy baie wenke van jou kollegas, mentors en hoofde ontvang. Sommige sal jy toepas en ander sal nie noodwendig nuttig wees vir jou situasie en werksomgewing nie.

Die “Ses van die Bestes” sal jou egter toerus om met gemak en sukses elke uitdaging te kan aanpak en baas te raak!